Bizkaiko Euskal Pilota Federazioaren egungo zuzendaritza-batzordeak, hautagaitza aurkeztean hartutako konpromisoen artean, Bilbon pilota suspertzea zeukan, Bizkaiko hiriburua bezalako nukleo batek pilotaz hitz egiterakoan ere estrategikoa izan beharko lukeelakoan.
Behin aukeratuta, 2020an, talde osoak pilota aztertzeko lan bat egin zuen Bilbon azken urteetan, eta emaitz gisa azken 5 urteetan ez zela pilota afizionatuaren jarduerarik egon hiriburuan, Bilboko Kirol Klub historikoan zirrikitu txiki batzuk izan ezik, azken horrek ere pandemia-aldiak zigortu baitzuen, eta ia ez zegoen denboraldi berri bati aurre egiteko aukerarik.
2017. urtera jo behar da Bilboko pilota kluben azken jarduera aurkitzeko, eta Bilbao Frontenis Kluba, Bilbo Pala Elkartea eta Bilbao Pilota Elkartea izan dira bizirik iraun zuten azkenak, pilotarien zati handi bat urtez urte galduz.
Hori ikusita, Zuzendaritza Batzordeko hainbat pertsonak Bilbon klub berri bat sortzea erabaki zuten, Federazioaren babesarekin hiri inguruko jarduera berpizteko. Hortik sortu zen BEPK Bilbao Euskal Pilota Kluba, Imanol Arrese presidente eta Naia Ouro eta Enaitz Olaeta lehendakariorde eta idazkari zirela, hurrenez hurren, 2022-2023 denboraldirako eskola aktibo bat izateko asmoarekin.
Bilboko frontoien mapa aztertu ondoren, helburua argia zen: instalazioen artean frontoia zuten ikastetxeekin akordioak lortzea. Eta hala izan zen, ikasturtea hasi aurretik Bilboko hainbat ikastetxerekin hitzarmenak egin ziren eta hiritik kanpoko beste ikastetxe batzuk ere batu ziren, 2022ko urriaren 1etik aurrera honako ikastetxe hauekin lanean hasiz: Kirikiño, Urretxindorra, Karmelo, Maristas, Elejabarri eta Jesuitak Bilbon eta Lauro hirigunearen mugetatik kanpo.
Dagoeneko 100 haur inguruk parte hartzen dute BEPKn, eskolaz kanpoko jarduera gisa, esku pilota eta pala modalitateetan, eta horietako asko federazioak eskola-kirolean antolatzen dituen lehiaketetan ere parte hartzen dute.
Lehen urratsak eskola-kategorian eman diren arren, BEPK Bilbao Euskal Pilota Klubaren asmoa, bai etorkizunean haur horiek bai pilotan jokatu nahi duen heldu orok klubean federatuen mailan ere tokia izatea, behin klubak pilotari guztientzako espazio egokiak dituenean.
Irudietako galeria
